ஒரு தேவதையின் காதலனாய் வாழ்ந்தவன்

சனி, 2 ஆகஸ்ட், 2008

எனக்குப்பிடித்தது



அழுகை பிடிக்கும் எனக்கு
வேதனைகள் நீ தந்ததென்றால்
வலிகள் பிடிக்கும் எனக்கு
காயங்கள் உன்னால் ஆனதென்றால்
தோற்க பிடிக்கும் எனக்கு
வெற்றிகள் உன்னை சேரும் என்றால்
எதையும் இழக்க பிடிக்கும் எனக்கு
நான் உன்னோடு வாழ்வதென்றால்
இதென்ன......
மரணம்கூட பிடிக்கும் எனக்கு
உனக்காக என் உயிர் தருவதென்றால்......

ரகசிய வார்த்தைகள்…



யாருக்கும் தெரியாத
சொன்னாலும் புரியாத
ரகசிய வார்த்தைகள்
சேமித்து வைத்திருக்கிறேன்
உனக்காய்…

காதோரம் சொன்னதும்
கன்னத்துக் குழி விழவெட்கிச்
சிரிப்பாய் நீ எனக்கே எனக்காய் !

சுகமான பொழுதுகள்…



ராத்திரிக்குள் அகப்பட்டநிலவைப் போல…

கூந்தலுக்குள் அகப்பட்டபூக்கள் போல…

கோவிலுக்குள் அகப்பட்டகடவுள் போல…

கருவறைக்குள் அகப்பட்டகுழந்தை போல…

உன் நினைவுகளுக்குள்அகப்பட்ட

பொழுதுகள் எத்தனை சுகமானவை !

என்ன செய்கிறாய் என்னை …



நீ கொடுத்த கடிதங்கள், பரிசுப்பொருட்கள்…
நாம் இதுவரை சந்தித்த நாட்கள்…
போட்ட சண்டைகள்…
என்று அனைத்தையும் கணக்கு தவறாது
சின்னக் குழந்தை தனது மிட்டாய்களை
எண்ணி எண்ணிப் பார்ப்பதைப்போல
கணக்கு வைத்திருக்கிறேன் எனக்குள்ளே !

இந்த பொல்லாத முத்தங்களை மட்டும்
எப்பொழுதும் எண்ணிவிட முடிவதில்லை…
ஹேய்... அப்பொழுது மட்டும்
என்னை என்ன செய்கிறாய் நீ…


கோபப் பரிசு




யார் மீதோ கொட்டமுடியாத
உன் கொந்தளிப்புகளை எல்லாம் என்மேல் ஏற்றி…

ஒட்டுமொத்த கோபத்தியும் வார்த்தைப் புயலாக்கி
என்மேல் எறிகிறாய் !

அதற்குக்கூட உனக்கு உரிமையானவன்
நானென்பதால்அதிலிருந்து எனக்கான
தென்றலை மட்டும் எடுத்துக்கொள்கிறேன் !

கோபம் தணிந்தபின் நீ வந்து கெஞ்சும்
கொஞ்சல்களுக்கு பரிசளிக்க அவை தேவைப்படும்…